پالمور لیفٹ ایری گیشن پروجیکٹ میں تیزی کی توقع

پاور فینانس کارپوریشن کی جانب سے دس ہزار کروڑ روپئے مختص کیے جانے کے باعث تلنگانہ کے پالمور۔ رنگاریڈی لیفٹ ایری گیشن پروجکٹ کے تعمیری کاموں میں تیزی آنے کی توقع ہے۔

فنڈس کی کمی کی بناء پر تعمیری کام تاخیر کا شکار تھا۔ تلنگانہ حکومت نے سال 2015ء میں 35 ہزار دوسوکروڑ روپئے کی لاگت سے یہ پروجیکٹ شروع کیاتھا جبکہ تعمیری کاموں کا باقاعدہ آغاز2016میں ہوا۔

حکومت نے ابتداء میں اس پروجیکٹ کی تعمیر 2018تک مکمل کرلینے کا ارادہ کیاتھاتاہم فنڈس کی کمی کی بناء پرایسا ممکن نہ ہوسکا۔ اس پراجکٹ کی تکمیل سے یہ توقع ہے کہ متحدہ ضلع محبوب نگر کے علاوہ ضلع رنگاریڈی میں 12.30لاکھ ایکراراضی کو زراعت کے لیے پانی فراہم ہوگا۔