کانگریس نے کے سی آر سے اپیل کی کہ انٹرمیڈیٹ ایجوکیشن سکریٹری کو انٹر نتائج میں بدعنوانی و لاپرواہی برتنے کی پاداش میں عہدہ سے ہٹادیا جائے۔
22 اپریل کو لکھے خط میں کانگریس نے حکومت سے کہا کہ انٹرمیڈیٹ نتائج میں بے شمار دھاندلیا ہوئی ہیں اور انہیں پتہ چلا ہے کہ ان دھاندلیوں میں عہدیدار پوری طرح ملوث ہیں۔
بورڈ کے سکریٹری کے علاوہ دیگر عہدیداروں کو فوری طور پر برطرف کرتے ہوئے اس معاملہ کی برسرکار ہائیکورٹ جج سے جانچ کرانے کا تلنگانہ کانگریس نے مطالبہ کیا ہے۔
کانگریس ترجمان ڈاکٹر شراون نے حکومت سے مطالبہ کیا کہ خاطیوں کے خلاف فوری کاراوئی کرتے ہوئے انہیں کیفرکردار تک پہنچایا جائے۔
