نصرت جہاں کی شادی اگلے ماہ

مغربی بنگال کے بشیر ہاٹ پارلیمانی حلقے سے تقریباساڑھے تین لاکھ ووٹوں سے تاریخی جیت درج کرنے والی ترنمول کانگریس کی نومنتخب رکن پارلیمنٹ نصرت جہاں اپنے بوائی فرینڈ سےآئندہ ماہ استنبول میں شادی کریں گی۔

چند برس قبل نصرت جہاں کی تاجرنکھل جین سے ملاقات ہوئی تھی۔اس کے بعد سے دونوں کے درمیان نزدیکیاں بڑھیں۔ نصرت جہاں نے پہلے اپنے رشتے کے بارے میں کبھی بھی واضح طور پر کچھ نہیں کہا۔

نصرت جہاں کی شادی اگلے ماہ

پارلیمانی انتخابات کے بعد نصرت جہاں نے نکھل جین سے شادی کے بارے میں کھل کر بات کی۔

انہوں نے سوشل میڈیا پر ویڈنگ رنگ کی تصویر پوسٹ شئیر کی۔موصولہ اطلاع کے مطابق آ ئندہ 19 سے21 جون کے دوران نصرت اور نکھل کی شادی ہوگی جس کی تیاریاں ابھی سے کولکاتا میں شروع ہو چکی ہے۔