وشاکھاپٹنم: ایک کروڑ روپئے مالیتی گانجہ ضبط، دو افراد گرفتار

آندھراپردیش کے وشاکھاپٹنم میں تقریباً ایک کروڑ روپئے مالیتی گانجہ ضبط کیا گیا۔ پولیس نے دو افراد کو گرفتار کرلیا۔

وشاکھاپٹنم پولیس نے گوڈیم کوٹہ منڈل کے دھراکونڈا میں چیکنگ کے دوران ایک لاری کی تلاشی لی گئی جس میں 60 تھیلوں میں گانجہ چھپاکر رکھا گیا تھا۔

اوڈیشہ میں رجسٹر لاری میں پیاز اور آلو کے تھیلوں کے بیچ میں گانجے کے تھیلے چھپاکر رکھے گئے تھے۔ پولیس نے بتایا کہ 60 تھیلوں میں ایک ہزار 20 کیلو گانجہ رکھا گیا تھا جسے ضبط کرلیا گیا۔ ضبط کئے گئے گانجہ کی مالیت تقریباً ایک کروڑ روپئے بتائی گئی۔

آندھراپردیش پولیس نے اس سلسلہ میں ملزمین راجیش ساگر اور رگھو کارا کو گرفتار کرلیا جو اڈیشہ کے رہنے والے ہیں۔