معروف انٹرنیٹ سرچ انجن گوگل نے اپنے گوگل پلے اسٹورسے مصری نژاد قطری عالم دین علامہ یوسف القرضاوی کے فتویٰ پر مشتمل ایپلی کیشن پر پابندی لگادی ہے۔
اطلاع کے مطابق شدت پسند مذہبی جماعت اخوان المسلمون کے دیرینہ مبلغ علامہ القرضاوی پرالزام ہے کہ وہ اپنے فتاویٰ کے ذریعے دنیا میں نفرت کا ماحول پیدا کررہے ہیں۔
میڈیا کا کہنا تھا کہ دو برس قبل سعودی عرب، متحدہ عرب امارات، بحرین اور مصر نے اخوان المسلمون کو دہشت گرد قرار دیدیا تھااور ان ممالک نے القرضاوی سمیت کئی دوسرے انتہا پسندوں کو اشتہاری قرار دے کر ان کے خلاف گرفتاری کا وارنٹ بھی جاری کیا تھا۔
غیر ملکی میڈیا کا کہنا تھا کہ یوسف القرضاوی کی 'فتاویٰ ایپ' میں دشمنی، نفرت اور دہشت گردی کی حمایت کی گئی ہے، اس لیے ان کی یورو فتویٰ کا ایپلیکیشن پر پابندی عائد کردی گئی ہے۔
میڈیا کے رپورٹز کے مطابق یہ ایپلیکیشن گذشتہ مہینے آئرش دارالحکومت ڈبلن میں یوروپی فتویٰ و ریسرچ کونسل کی طرف سے جاری کی گئی تھی جس میں نفرت پر اکسایا گیا تھا۔
