امریکہ کی ریاست میری لینڈ میں 37 برس کی خاتون کو شاپنگ کے دوران لاپرواہی برتنے پر جیل کی ہوا کھانی پڑگئی، دراصل بچے نے ماں کی شکایت کرکے پولیس سے گرفتار کروادیا۔
اطلاع کے مطابق پولیس کو فون کالز موصول ہوئی جس میں بچے نے بتایا کہ اس کی والدہ اس کو سات بچوں سمیت گاڑی میں چھوڑ کرشاپنگ کرنے چلی گئی ہیں۔
چار برس کے بچہ پولیس کو اپنی صحیح جگہ نہیں بتاسکا لیکن پولیس نے کال ٹریس کرکے گاڑی کاپتہ لگایا، جہاں سخت گرمی میں پولیس اہلکاروں نے سات بچوں کو گاڑی میں بند پایا۔
حکام کے مطابق گاڑی میں موجود بچوں کی عمریں دو سے چار برس کے درمیان تھیں جو کہ 20 منٹ سے گاڑی کے اندر بند تھے۔
گاڑی کی مالکن اور دو چوں کی ماں پولیس کے پہنچنے کے 10 منٹ بعد جب وہاں پہنچی تو پولیس نے انہیں گرفتار کرلیا۔
مقامی پولیس کا کہنا ہے کہ گاڑی میں آٹھ برس سے کم عمر بچوں کو اکیلا چھوڑنا قانون کی خلاف ورزی ہے۔
