ایک بھکت ایسا بھی

عام انتخابات کے پیش نظر ہر سیاسی پارٹی کے کارکنان اپنے اپنے انداز میں رہنماؤں کی حمایت کرتے ہیں۔ اور ان کی جیت کے لیے منتیں مانتے ہیں۔ لیکن آج ہم آپ کو ایک منفرد 'بھکت' سے ملاقات کرواتے ہیں۔

ریاست اترپردیش کے ضلع مظفر نگر کے کھتولی قصبے میں فلائی اور کے نیچے ایک ٹھیلہ گاڑی پر چائے بیچنے والے مودی کے حامی سریندر نے ان کی کامیابی کے لیے کھانا پینا ترک کردیا ہے۔

ایک ماہ سے کھانا پینا ترک کرنے والے مودی بھکت کا کہنا ہے کہ اگر نریندر وزیراعظم نہیں بنے تو وہ چائے بیچنا چھوڑ دے گا۔

سریندر نے مودی کی کامیابی کے لیے گذشتہ دو اپریل سے کھانا پینا بند کردیا ہے۔ اس کا کہنا ہے کہ جب تک نتائج کا اعلان نہیں ہو گا تب تک وہ کھانا نہیں کھائے گا۔

سریندر نے کہا کہ اگر مودی دوبارہ وزیر اعظم نہیں بنتے ہیں تو وہ اپنا 30 سالہ پرانا چائے بیچنے کا کام بند کردے گا۔