ایم این ایس کی جنرل سکریٹری شالینی ٹھاکرے نے دھمکی دی ہے کہ وہ فلم 'پی ایم نریندر مودی' کو ان کی پارٹی مہاراشٹر میں ریلیز ہونے نہیں دے گی۔
ایم این ایس نے الزام عائد کیا ہے کہ انتخابی ضابطہ کے خلاف ورزی کرتے ہوئے فلم کو ریلیز کیا جا رہا ہے۔
غورطلب ہے کہ فلم 'پی ایم نریندر مودی' پانچ اپریل کو ریلیز ہونی ہے۔
شالینی نے الزام عائد کرتے ہوئے کہا کہ اس سے قبل بھی 'ٹائلٹ ایک پریم کتھا' اور پیڈمین جیسی فلموں کو بی جے پی نے مالی مدد کی تھی۔
انہوں نے مزید کہا کہ ان فلموں کو ابھی زیادہ وقت بھی نہیں گزرا ایک بار پھر سے ایک فلم کو مالی تعاون کی ہے۔
غورطلب ہے کہ فلم'پی ایم نریندر مودی' میں وویک اوبرائے اہم کردارمیں نظر آرہے ہیں۔
فلم میں بومن ایرانی، منوج جوشی،زرین وہاب اور پرشانت نارائن بھی ہیں۔
