پارلیمانی انتخابات کے بعد مغر بی بنگال سیاسی پارٹیوں کے حامیوں کے درمیان جھڑپوں میں درجنوں افراد ہلاک ہو چکے ہیں۔حریف جماعتیں سی پی آ ئی ایم، کانگریس اور بی جے پی نے ریاست کے لاءاینڈ آرڈر پرسوال اٹھائی ۔
بی جے پی کے رکن پاارلیمان ارجن سنگھ کاکہنا ہے کہ مغربی بنگال میں آ ئین نام کی کوئی چیز نہیں ہے۔ حکمراں جماعت ترنمول کانگریس میں بہتری کی ضرورت ہے۔ ترنمول کانگریس کواس وقت بدعنوانوں اور سنڈیکیٹ چلانے والوں کی مدد حاصل ہے۔ چاروں طرف تشدد کا ماحول ہے۔عام لوگ دہشت کے سائے میں زندگی گزارنے پر مجبورہیں۔
رکن پارلیمان کے مطابق مغربی بنگال میں تبدیلی کی لہرشدت شکل اختیار کر چکی ہے۔ممتابنرجی کی حکومت 2021 تک چلنے والی نہیں ہے۔ پانچ مہینوں کے اندر ہی ترنمول کانگریس کی حکومت کا خاتمہ ہوجائے گا۔
بی جے پی کے رہنما کاکہنا ہے کہ زیادہ سے زیادہ پانچ مہینوں تک ممتا بنر جی کی حکومت اقتدار پربرقرار رہ سکتی ہے۔حکومت تمام شعبوں میں ناکام ثابت ہورہی ہے۔
انہوں نے کہاکہ لوگوں کا حکومت پر سے بھروسہ اٹھانے لگا ہے۔ اسی وجہ سے گزشتہ ایک مہینے کے دوران ریاست کے مختلف اضلاع میں ناخوشگوار واقعے روہنماہوئے ہیں۔
