ہسپانوی عدالت نے ماں کو قتل کرنے اور اس کا گوشت کھانے اور کتے کو کھلانے کے جرم میں سفاک بیٹے کو 15 سال سے زائد قید کی سزا سنائی ہے۔
غیر ملکی خبر رساں ایجنسی کی رپورٹ کے مطابق یوروپی ملک اسپین میں ناخلف بیٹے نے سگی ماں کو قتل کرکے سفاکیت کی انتہا کردی، ایلبرٹ نامی شخص نے اپنی عمر رسیدہ ماں کو گلا گھونٹ کر قتل کیا اور پھر قتل کے نشانات مٹانے کے لیے اس کا گوشت بھی کھا گیا۔
مجرم نے اپنی 69 سالہ ماں کو گلا دباکر قتل کیا، پھر آری اور چھری کی مدد سے اس کے ٹکڑے کرکے 15 دن تک ماں کا گوشت کھاتا رہا اور اپنے کتے کو بھی کھلاتا رہا جب کہ کچھ ٹکڑے پلاسٹک کے ڈبوں میں پیک کرکے فریج میں محفوظ کرلیے اور باقی کوڑے دان میں پھینک دیئے۔
عدالت نے ماں کو قتل کرنے کے جرم میں بیٹے کو 15 سال قید اور لاش کی بے حرمتی کرنے پر 5 ماہ مزید قید کی سزا سنائی ہے۔
عدالت نے کہا کہ مجرم دل دہلا دینے والی واردات کے وقت اپنے ہوش و حواس میں تھا اسی لیے اسے جیل کی سزا کاٹنا ہوگی۔
واضح رہے کہ پولیس نے ایلبرٹ نامی شخص کو 23 فروری 2019 کو اس وقت شک کی بنا پر گرفتار کیا تھا جب پولیس نے مقتول کی سہیلی کے کہنے پر اپارٹمنٹ کا دورہ کیا تھا۔
یو این آئی
