امام کے ساتھ زیادتی، قصورواروں کے خلاف کاروائی کا مطالبہ

مدھیہ پردیش کے ضلع دھار میں مسجد کے امام کے ساتھ پولیس والوں نے مار پیٹ کی تھی۔ ان سے جئے شری رام کے نعرے لگانے کو کہا گیا تھا۔ پولیس کی اس زیادتی پر ناراضگی ظاہر کرتے ہوئے جمیعت العلما نے ریاستی وزیر داخلہ کو میمورنڈم دیا۔

ریاست مدھیہ پردیش کے دارالحکومت بھوپال میں میں ادھار ضلع کے باغ تھانہ کے پولیس اہلکاروں کے ذریعے لوہار پھلیا کی مدینہ مسجد کے امام مولانا سیف دین کو تحقیق کے نام پر بے رحمی سے مارپیٹ کرنے اور گالی گلوچ کرنے کے خلاف ضلع ڈی جی پی بھوپال کو جمعیت علماء ضلع بھوپال کے صدر حافظ اسماعیل بیگ نے اپنے ضلعی کارکنان کے ساتھ پولیس اہلکاروں کے خلاف سخت کارروائی کرنے اور ان کو سسپینڈ کرنے کے تعلق سے 18 جون کو میمورنڈم دیا تھا جس پر اطمینان بخش کاروائی نہیں ہوئی-

دوبارہ حافظ اسماعیل بیگ نے اپنی ضلعی ٹیم کے ساتھ وزیر داخلہ بالا بچن اور آج وزیراعلی کمل نا تھ کو الگ الگ میمورنڈم دے کر اس طرف متوجہ مبذول کرائی کے خاطی پولیس اہلکاروں نے جو قانون کا مذاق اڑاتے ہوئے غنڈا گردی اور فرقہ پرستی کا ثبوت دیا ہے - ان خاطی و مجرم پولیس اہلکاروں کے خلاف مناسب کاروائی کی جائے۔