لکھنؤ: پولنگ مرکز پر تعینات افسر کی ہارٹ اٹیک سے موت

عام انتخابات کے پانچویں مرحلے کے لیے لکھنؤ میں ووٹنگ جاری ہے۔پولنگ ابھی شروع ہوئی ہی نہیں ہوئی تھی کہ لکھنؤ کے ملیح آباد سے ایک بری خبر آ گئی۔

ملیح آباد پرائمری اسکول صورتی کھیڑا بوتھ نمبر 67 میں تعینات افسر پنیت سنگھ کی ہارٹ اٹیک سے موت ہو گئی۔

اچانک سے طبیعت خراب ہونے پر اُن کے ساتھ والوں نے ڈاکٹر کو بلایا، لیکن تب تک ان کی موت ہو چکی تھی۔

موت سے پولنگ اسٹیشن میں افراتفری مچ گئی۔

ضلع الیکشن افسر نے کہا کہ پولنگ کے دوران موت ہونے پر متاثرہ کے اہل خانہ کو الیکشن کمیشن کی جانب سے10 لاکھ روپے کی مالی مدد کی جائے گی۔