میڈیا کے مطابق تیونس میں عرب لیگ کے سالانہ اجلاس میں شاہ سلمان نے عرب اردن اور غزہ کی پٹی پر مشتمل آزاد فلسطینی ریاست کے قیام کی حمایت کے لیے سعودی عرب کے موقف کا اعادہ کیا ہے۔
تیونس کے صدر نے کہا کہ عرب لیگ کے اس اجلاس میں علاقے کے استحکام کے لیے آزاد فلسطینی ریاست کے قیام کی اہمیت کو مزید اجاگر کرنے کی ضرورت ہے۔
انہوں نے کہا کہ مسئلہ فلسطین کے منصفانہ حل سے علاقائی اور بین الاقوامی سطح پر استحکام پیدا ہوسکتا ہے، اس حل کے تحت فلسطینی عوام کو ان کے جائز حقوق دلاتے ہوئے ایک ایسی فلسطینی ریاست قائم کی جائے، جس کا دارالحکومت بیت المقدس ہو۔
واضح رہے کہ اجلاس میں شریک رہنماؤں نے امریکی صدر ٹرمپ کے گولان کی چوٹیوں پر اسرائیل کی خود مختاری تسلیم کرنے کے فیصلے پر غور کیا گیا اور اس کو مشترکہ طور مسترد کردیا گیا۔
خیال رہے کہ عرب لیگ نے شامی صدر بشار الاسد کی حکومت کے سنہ 2011 کے اوائل میں پرامن احتجاجی مظاہرین کے خلاف مسلح کریک ڈاؤن کے بعد شام کی رکنیت معطل کردی تھی۔
حال ہی میں بعض عرب ممالک نے صدر بشار الاسد کی حکومت سے دوبارہ مذاکرات کا سلسلہ شروع کردیا، اور اب عرب لیگ میں رکنیت کی بحالی کے لیے آوازیں بلند ہونے لگی ہیں۔
