کچن پور کی غریب عوام پانی کے لیے پریشان

رواں برس گرمی کا موسم گیا کی عوام پر کافی گراں گزر رہا ہے، ایک جانب لو کا شکار ہو کر تقریباً پچاس افراد ہلاک ہوگئے تو دوسری جانب متعدد گاؤں صاف پانی کے لیے ترس رہے ہیں۔

یہ ہے گیا کے دھناواں پنچایت کا کچن پور گاؤں۔ ملی جلی آبادی والے اس گاؤں کے اکثر لوگ مزدوری کرکے اپنا گھر چلاتے ہیں۔ گیا کے متعدد گاؤں کی طرح کچن پور کی عوام کو بھی صاف پانی مہیا نہیں ہے۔

گاؤں کے باہر بنی سرکاری ٹنکی میں مقررہ وقت پر پانی آتا ہے اور خواتین کپڑا دھونے کے لیے اسے موقع غنیمت سمجھتی ہیں۔ گاؤں کے زیادہ تر ہینڈ پمپ نے کام کرنا بند کردیا ہے۔

بارش کی کمی کی وجہ سے کھیتوں میں کام کرنے والے مزدور بھی تشویش میں مبتلا ہیں۔

گیا میں پانی کی قلت کا اندازہ اس بات سے لگایا جاسکتا ہے کہ اسے جل شکتی مہم کے لیے منتخب کیے گئے ریاست کے بارہ اضلاع میں بھی شامل کیا گیا ہے۔