اس موقع پر وزیراعلیٰ نے کہا کہ عالمی وبا کے دور میں پورے ملک میں میڈیکل آکسیجن کی قلت ہے۔ ہم سبھی کے لیے یہ خوش قسمتی کی بات ہے کہ آج ہم اپنی ریاست کے ساتھ ساتھ دوسری ریاستوں کو بھی میڈیکل آکسیجن سپلائی کرنے کے اہل ہیں۔
ہیمنت سورین نے کہا کہ صدیوں سے جھارکھنڈ کے وسائل سے دوسری ریاستیں مستفید ہوتی رہی ہیں۔ جھارکھنڈ کے لیے آج فخر کی بات ہے کہ موجودہ وقت میں میڈیکل آکسیجن کا نظم کرنے میں دوسری ریاستوں کو ہم تعاون کر پارہے ہیں۔ ریاست میں لنڈے انڈیا لمیٹیڈ، ایئر واٹر، سیل سمیت کئی کمپنیاں ہیں جو ملک میں میڈیکل آکسیجن سپلائی کے لیے آگے آئی ہیں۔
وزیراعلیٰ نے کہا کہ ہماری ریاست سے ٹرین، سڑک وغیرہ کے ذریعے ملک کے مختلف شہروں میں آکسیجن سپلائی کا کام ہو رہا ہے۔ وزیر اعلیٰ نے کہا کہ اس عالمی وبا میں سبھی کو جینے کا حق ہے۔ سبھی لوگوں کو ہمیں یکساں دیکھنا ہے۔
