امریکی کانگریس کی جوڈیشل کمیٹی کے چیئرمین جیری ناڈلیر نے کہا ہے کہ صدر ڈونلڈ ٹرمپ کے خلاف مواخذے کے عمل کو شروع کرنے کے لیے زیادہ حمایت حاصل نہیں ہے۔
واضح رہے کہ امریکہ میں پارلیمنٹ کو کانگریس کہا جاتا ہے۔
ناڈلیر نے ان باتوں کا اظہار سی این این کو دیے گئے ایک انٹرویو کے دوران کیا۔
انہوں نے ٹرمپ کے خلاف مواخذے کے عمل کو شروع کرنے کے سلسلہ میں پوچھے گئے ایک سوال کے جواب میں کہا 'موجودہ وقت میں اس کے لیے زیادہ حمایت حاصل نہیں ہے'۔
انہوں نے کہا کہ مواخذے کا عمل اکثریت کی حمایت کے بعد ہی شروع کیا جاسکتا ہے۔
واضح رہے کہ ٹرمپ انتظامیہ کے افسران نے سنہ 2016 کے انتخابات میں روس کے کردار کے متعلق وکیل رابرٹ میلر کی تحقیقات کے بارے میں کانگریس میں بیان دینے سے انکار کر دیا تھا، اور اس بیان کی وجہ سےا ٹارنی جنرل ولیم بر نے کانگریس میں حاضر ہونے سے انکار کردیا تھا۔
خیال رہے کہ ڈیموکریٹک پارٹی کے نمائندے جنرل ولیم بر کے خلاف توہین کے معاملہ میں اگلے ہفتے ووٹنگ ہوگی۔
