جگن،کے سی آر اور چندرابابو نائیڈو کو مرکز کا خط

مرکزی وزیر پارلیمانی امور پرلہاد جوشی نے تلنگانہ اور آندھراپردیش کے وزرائے اعلی کے سی آر اور جگن موہن ریڈی کے ساتھ تلگو دیشم سربراہ چندرابابو نائیڈو کو خط لکھ کر مرکز کی جانب سے 19 جون کو منعقد خصوصی اجلاس میں شریک ہونے کی دعوت دی۔

پارلیمنٹ کی کاروائی اور مستقبل کی منصوبہ بندی کو ترتیب دینے کے لیے پانچ مقاصد کو پورا کرنے کے لئے یہ اجلاس منعقد کیا جارہا ہے۔جس میں تمام جماعتوں کے سربراہان کے ساتھ وزیراعظم مودی بھی شریک ہونگے۔
اجلاس کے ایجنڈہ میں پانچ اہم امور شامل ہیں۔
* پارلیمنٹ کی عظمت کو بحال کرنے سے متعلق اقدمات کے لیے تبادلہ خیال کرنا
* ملک میں ایک ساتھ انتخابات منعقد کروانے پر لائحہ عمل طئے کرنا
* آزادی کے پچھتر سال کے موقع پر نئے ملک کے تصور کو پورا کرنا
* بابائے قوم مہاتما گاندھی کی 150 ویں جینتی تقریبات کے انتظامات کو قطعیت دینا
* پسماندہ اضلاع کی ترقی پر لائحہ عمل طئے کرنا
ان پانچ اہم امور پر تفصیلی بات چیت کے لیے پارلیمینٹ میں نمائندگی کرنے والے سیاسی جماعتوں کے سربراہان کو مدعو کیا گیا ہے۔