مالیگاؤں میں گزشتہ روز ضلع راشٹروادی کانگریس پارٹی کے دفتر (راشٹروادی بھون) کا افتتاح عمل میں آیا۔ راشٹروادی بھون کا افتتاح شہر کے مختلف حلقوں سے تعلق رکھنے والی 10 محنت کش طبقہ سے وابستہ شخصیات کے ہاتھوں سے کیا گیا۔ آگرہ روڈ پر واقع جونا سوات ہاسپٹل کی عمارت میں راشٹروادی بھون کا افتتاح یکم جون کو شام 7 بجے کیا گیا جبکہ تقریب کی صدارت شیخ آصف نے کی۔
اس موقع پر ضلع راشٹروادی کانگریس پارٹی کے صدر آصف شیخ نے کہا کہ اس دفتر میں عوامی، بنیادی، تعلیمی، صنعتی مسائل، سپتال سے منسلک طبی مسائل، بجلی، کارپوریشن اور مزدوروں کے مسائل کو حل کرنے کی کوشش کی جائے گی۔ انہوں نے کہا کہ دفتر میں مکمل اسٹاف کو رکھا گیا ہے جہاں عوام کی بہتر خدمت انجام دی جائے گی۔
انہوں نے کہا کہ وہ خود عوامی مسائل حل کرنے کےلیے دفتر پر زیادہ سے زیادہ وقت دیں گے۔ اس موقع پر شکیل جانی بیگ نے نائب وزیراعلیٰ اجیت دادا پوار مہاراشٹر کے صدر جینت پاٹل، سپریہ سولے ،چھگن بھجبل کے ویڈیو پیامات دکھائے۔ ویڈیو پیام میں اجیت پوار نے مالیگاؤں کے عوام سے مخاطت ہوکر کہا کہ راشٹروادی کانگریس پارٹی دفتر ک افتتاح پر وہ شیخ آصف سمیت تمام اراکین کو مبارکباد پیش کرتے ہیں۔ انہوں نے کہا کہ حالات بہتر ہونے کے بعد وہ شہر کا دورہ کریں گے۔
