لاری ڈرائیور نے دو مزدوروں کو کچل ڈالا

ریاست تلنگانہ کے حیدرآباد میں ایک دردناک سڑک حادثے میں دو مزدور ہلاک ہوگئے۔

یہ حادثہ اس وقت پیش آیا جب گاڑی کو پیچھے لینے کے دوران ان کو کچل ڈالا جس کے نتیجہ میں دو مزدور موقع پر ہی ہلاک ہوگئے۔

مدھیہ پردیش کے رہنے والے سکھیندر سنگھ اور مغربی بنگال کے رہنے والے چندن رائے، سرنگ سے پانی نکالنے کا کام کرنے کے بعد وہیں سو گئے ۔

تاہم تاریکی ہونے کے سبب ٹپر لاری کے ڈرائیور نے ان کو نہیں دیکھا اور ان کو کچل ڈالا ۔

لاشوں کو پوسٹ مارٹم کے لئے اسپتال منتقل کردیاگیا۔

پولیس نے اس سلسلہ میں ایک معاملہ درج کرلیا۔