جموں : افطار پارٹی میں گنگا-جمنی تہذیب کا مظاہرہ

جموں کے بٹھنڈی علاقے میں واقع معروف مکہ مسجد میں ہندو، سکھ اور مسلم یکجہتی کا مظاہرہ اس وقت دیکھنے کو ملا جب ان مذاہب کے لوگوں نے مل کر روزہ کھولا۔

ای ٹی وی بھارت کے نمائندے کے مطابق ریاست میں جمہوری اقدار کو مضبوط کرنے کے مقصد سے بٹھنڈی علاقے کے چند مسلم افراد نے کثیر تعداد میں ہندو اور سکھوں کو افطار پارٹی کے لیے مدعو کیا

نمائندے نے بتایا اس افطار پارٹی میں ہندو اور سکھ مذہب کے ہزاروں عقیدت مندوں نے شرکت کی۔

سکھ مذہب سے تعلق رکھنے والے ایک شخص نے کہا افطار پارٹی کا مقصد علاقے میں موجود ہندو-مسلم بھائی چارہ اور آپسی پیار و محبت کا مظاہرہ کرنا تھا۔

انہوں نے کہا کہ ہندو سکھ اور مسلم سب ایک ساتھ بیٹھ کر ایک ایسی تہذیب کا مظاہرہ کر رہے تھے جسے ہم گنگا-جمنی تہذیب کے نام سے جانتے ہیں اور جو بھارت کی پہچان ہے۔