ترنمول امیدوار کی مرکزی فورسز سے نوک جھونک

باراسات پارلیمانی حلقے سے ترنمول کانگریس کی امیدوار کاکولی دستیدار اور مرکزی فورسز کے درمیان جم کر نوک جھونک ہوئی۔

مغر بی بنگال کے نو پارلیمانی حلقوں میں جاری پولنگ کے دوران بارسات میں مرکزی فورسز کے جوان پر ووٹرز پربی جے پی کے امیدوار کو ووٹ ڈالنے کے لیے دباؤبنانے کا الزام لگایا گیاہے۔

ترنمول کانگریس کی امیدوار کاکولی دستیدار نے کہاکہ مرکزی فورسز کے جوان الیکشن ڈیوٹی چھوڑ کر بی جے پی کے امیدوار کی حمایت میں انتخابی مہم چلا رہے ہیں۔انہوں نے کہاکہ مجھے پتہ چلاہے کہ پولنگ بوتھ پر تعینات مورکزی فورسز کے جوان بی جے پی کے حمایت میں ووٹ ڈالنے کی بات کہہ رہے ہیں۔انہوں نے جب اس کی مخالفت کی تو ڈیوٹی پر تعینات جوان توتومیں میں کرنے لگا۔انہوں نے کہاکہ یہ ایک سنگین جرم ہے۔میں نے الیکشن کمیشن سے اس کی شکایت کی ہے۔