معذور خاتون کے بلند حوصلے

ہمت مرداں، مدد خدا والی کہاوت توآپ نے سنی ہی ہوگی لیکن 28 برس کی مدھو نے اس کہاوت کو سچ کر دکھایا ہے۔

جموں و کشمیر کی ضلع ادھم پور کی مدھو نامی خاتون دونوں ہاتھوں سے محروم ہیں لیکن انہوں نے کبھی بھی ہمت نہیں ہاری۔ وہ پیروں سے سلائی مشین چلا کر روزی روٹی کماتی ہیں جو سماج کے لیے ایک مثال ہے۔

دونوں ہاتھوں سے محروم مدھونے کبھی بھی اپنی معذوری کا شکوہ نہیں کیا، وہ خود اعتمادی کے ساتھ زندگی گذار رہی ہیں۔
مدھو مستقبل میں ایک سلائی سینٹر کھولنا چاہتی ہیں تا کہ وہ اپنے جیسے معذور لوگوں کو روزگار فراہم کر سکے۔