میرٹھ شہر کے نائب قاضی زین الراشدین کا کہنا ہے کہ حج کمیٹی آف انڈیا کے جانب سے ٹیکا کاری کا پہلا کیمپ قائم کیا گیا۔
یہ کیمپ میرٹھ کے فیض عام ڈگری کالج میں منعقد کیا گیا ہے جس میں سینکڑوں حجاج کرام نے ٹیکہ لگوایا۔
میرٹھ سے تقریبا 15 سو کی تعداد میں عازمین حج جا رہے ہیں جن کی پہلی فلائٹ 6 جولائی کو ہے۔
میرٹھ میں عازمین حج کے لیے ٹیکہ کاری کیمپ
قاضی زین الراشد ین نے بتایا کہ حج کمیٹی آف انڈیا کے جانب سے ٹیکہ کاری کا پروگرام تاخیر سے شروع ہوا۔ جس کی وجہ سے حاجیوں کو پریشانی کا بھی سامنا کرنا پڑا۔
ٹیکا کاری کے عمل کے دوران تاہم فیض عام ڈگری کالج میں خواتین عازمین حج کوبعض مسائل کا سامنہ کرنا پڑا کیونکہ ان کے پردے کا انتطام نہیں کیا گیا تھا۔ انتظامیہ کا کہنا تھا کہ اسٹاف کی قلت کی وجہ سے ڈگری کالج کے وسیع حال میں خواتین کی ٹیکا کاری بھی مردوں کے ساتھ ہی کی گئی۔
