گلستان مہندی ویلفیئر اینڈ ایجوکیشنل سوسائٹی کی بنیاد 2014 میں میثم عباس نے یتیم بچوں کی تعلیم و تربیت کے لیے رکھی تھی۔
شروعاتی دور میں محض چار طلباء ہی تھے، لیکن آج 14 سے زائد طلباء یہاں پر زیر تعلیم ہیں۔
دلچسپ بات یہ ہے کہ ان طلبہ کے لیے قیام و طعام کا معقول انتظام ہے اور انہیں تعلیم کے ساتھ ہی کھیل کود سکھایا جاتا ہے، تاکہ ہو اپنا مستقبل بہتر کرسکیں۔
یہاں کے طلبا کو ہاکی، جوڈو، تیراکی، گھڑ سواری وغیرہ مختلف قسم کے کھیل بھی سکھائے جاتے ہیں۔
آج اسٹوڈنٹ آف دی ایئر کو انعام و اکرام سے نوازا گیا۔ پہلے، دوسرے اور تیسرے درجات حاصل کرنے والے طالب علم کو سائیکل بطور انعام نوازا گیا۔
گلستان مہندی ویلفیئر اینڈ ایجوکیشنل سوسائٹی کے مدیر میثم عباس نے ای ٹی وی بھارت سے بات کرتے ہوئے بتایا کہ ہمارا مقصد یہ ہے کہ سماج کے یتیم بچوں کی بہتر تعلیم و تربیت کی جائے تاکہ وہ سماج اور ملک کا نام روشن کر سکیں۔
