وزارت داخلہ کی طرف سے جاری نوٹیفکیشن کے مطابق سال2021میں اگلی مردم شماری کرائی جائے گی۔
مردم شماری کے لئے ریفرنیس تاریخ 28فروری 2021طے کی گئی ہے۔ جس کا مطلب یہ ہے کہ یہ مردم شماری 28فروری 2021کی رات بارہ بجے تک ملک کی آبادی کے اعدادو شمار پر مشتمل ہوگی۔جموں و کشمیر ہماچل پردیش اور اتراکھنڈ کے برفانی علاقوں کے لئے ریفرنس تاریخ 30ستمبر 2020 کی رات بارہ بجے طے کی گئی ہے۔
مردم شماری میں آبادی کی گنتی کے علاوہ زبان تعلیم صحت، ثقافتی، مذہبی، سماجی او ر اقتصادی صورت حال کے بارے میں بھی اعدادوشمار شامل کئے جاتے ہیں۔ یہ ہر دس سال پر ہوتی ہے۔ سابقہ مردم شماری 2011میں ہوئی تھی۔ اس وقت ملک کی آبادی 121کروڑ تھی جس کے اب بڑھ کر 130کروڑ سے زیادہ ہوجانے کا اندازہ ہے۔
