اودھم پور پارلیمانی حلقے کے تحت آنے والے اودھم پور، چینئینی اور رام نگر کے پولنگ مراکز پر آج تقریبا 524 پولنگ پارٹیوں کو بھیجا گیا۔جہاں 18 اپریل کو عام انتخابات کے دوسرے مرحلے کی پولنگ ہونی ہے۔
اودھمپور کے ضلع کمشنر پيوش سنگلا نے کہا کہ آج مسلسل بھاری بارش کے درمیان متعلقہ پولنگ مراکز پر پولنگ پارٹیوں کو بھیجنے کی کوشش صبح سے ہی جاری ہے تاکہ وہ اپنے متعلقہ پولنگ مراکز پر وقت پر پہنچ سکیں اور کل صبح آسانی سے ووٹنگ کروا سکیں۔
پولنگ پارٹیاں اپنے مقام پر روانہ
جموں کشمیر پولیس و مرکزی نیم فوجی دستوں کی سخت نگرانی میں پولنگ پارٹیوں کو ان کے مقام پر روانہ کیا گیا۔
وہیں ضلع کمشنر نے بتایا کہ کل ہونے والے انتخابات کو لے کر سکیورٹی کے سخت انتظامات کیے گئے ہیں تاکہ عام انتخابات کو پرامن طریقے سے کروایا جا سکے۔
