مغربی بنگال میں کورونا وائرس کی دوسری لہر کی زد میں پوری ریاست آچکی ہے.
مغربی بنگال کا ایک بھی ایسا ضلع نہیں ہے جو کورونا وائرس کی زد میں نہ ہو. کولکاتا اور شمالی 24 پرگنہ اس سے سب سے زیادہ متاثر ہے.
ان دو اضلاع میں کورونا وائرس کے نئے کیسز کی تعداد میں تیزی سے اضافہ ہوا ہے. اس بیماری سے موت کی شرح میں اضافہ ہوا ہے.
مالدہ ضلع میں واقع گوڑ بنگا یونیورسٹی کے ڈین بکاش رائے کی کورونا سے موت ہو گئی. ان کی عمر 52 برس تھی.
گوڑ بنگا یونیورسٹی کے ڈین بکاش رائے چار دن سے بیمار تھے. کورونا ٹیسٹ رپورٹ مثبت آنے کے بعد انہیں مالدہ کے ایک پرائیویٹ ہسپتال میں داخل کرایا گیا تھا
پرائیویٹ ہسپتال میں چند دنوں تک زیر علاج گوڑ بنگا یونیورسٹی کے ڈین بکاش رائے کی آج کورونا سے موت ہو گئی.
ریاستی محکمہ تعلیم اور گوڑ بنگا یونیورسٹی انتظامیہ نے ان کی موت پر تعزیت پیش کرتے ہوئے افسوس کا اظہار کیا ہے.
مغربی بنگال میں کورونا وائرس کے نئے کیسز کی تعداد میں تیزی سے اضافہ ہوا ہے. گزشتہ چوبیس گھنٹوں کے دوران کورونا وائرس کے 16 ہزار نئے کیسز آئے اور 68 لوگوں کی موت ہوئی.
مغربی بنگال میں کورونا وائرس کے مریضوں کی کل تعداد ساڑھے سات لاکھ پر پہنچ چکی ہے جبکہ گیارہ ہزار سے زائد لوگوں کی موت ہوئی ہے.
