بیدر میں مفت مرغی پروری کی تربیت

ریاست کرناٹک کے شہر بیدر میں نیچر دیسی چکن پولٹری فارم مرغی پروری میں دلچسی رکھنے والے مرد و خواتین کے لیے مفت مرغی پروری کی تربیت دی گئی۔

نیچر دیسی چکن پولٹری فارم کے پروپرائٹر سید مجیب الدین نے ای ٹی وی بھارت سے بات کرتے ہوئے کہا کہ ہم نے شہر بیدر کے دیہات عملہ پور میں ایک دیسی چکن پولٹری فارم کا قیام کیا ہے۔

جہاں پر مرغی پروری میں دلچسپی رکھنے والے مرد و خواتین کے لئے مفت مرغی پروری کی تربیت دی جا رہی ہے۔ انہوں نے کہا کہ مرغی پروری کے لیے فارم کا ہوناہی ضروری نہیں، کم سے کم جگہ میں بھی یہ کاروبار کیا جاسکتا ہے ۔جو گھر بیٹھے آمدنی کا ذریعہ ہے۔

مجیب الدین نے مزید کہا کہ دیسی چکن اور انڈا صحت کے لیے کافی مفید ہے، خاص کر خواتین کے لئے بہت فائدے مند ہے۔ انہوں نے عوام سے دیسی چکن اور انڈا استعمال کرنے کی اپیل کی۔