طوفان فونی کا اثر

ریاست اڑیشہ طوفان فونی کی زد میں ہے،بھوبھنیشور کا ریلوے اسٹیشن بھی طوفان سے متاثر ہوا،شدید بارش کے بعد ٹراکس کی مرمت کی گئی۔

ٹرینوں کی حمل ونقل رک جانے کے باعث مسافرین پریشان ہیں۔
سینکڑوں کی تعداد میں مسافرین بھوبھنیشور اسٹیشن پر اپنی ٹرین کے آنے کا انتظار کررہے ہیں۔
مسافرین کا کہنا ہیکہ صبح سے لیکر شام تک اپنی منزل کی طرف جانے والی ٹرین کا انتظار کررہے ہیں ،اس دوران انھیں پانی اور برقی کی سہولت بھی نہیں ہے۔

جس کی وجہ انھیں پریشان ہونا پڑرہا ہے۔مسافرین نے بتایا کہ مذکورہ اسٹیشن پر جنرل وارڈ کا ٹکٹ کسی کو نہیں دیا جارہا ہے۔پوچھنے پر بتایا گیا کہ ٹرین کے آنے کا کوئی بھروسہ نہیں اس لئے ٹکٹ نہیں دیا جاسکتا۔دوسری جانب انتظامیہ کا کہنا ہیکہ مسافرین کی کثیر تعداد کو دیکھتے ہوئے ریگولر کے ساتھ اسپیشل ٹرین بھی چلائے جارہے ہیں۔