ایران کے بعد اب افغانستان کو بھی سخت سیلابی صورت حال کا سامنا ہے، ایران میں سیلاب کی وجہ سے اب تک 60 افراد ہلاک ہوچکے ہیں۔
میڈیا کا کہنا ہے کہ افغانستان کے مغربی حصے میں شدید بارش کے بعد سیلاب کے آنے کی وجہ سے صورت حال مزید خراب ہوگئی ہے۔
واضح رہے کہ متاثرہ علاقوں میں کئی مکانات سیلاب میں بہہ گئے، جبکہ ریسکیو آپریشن اب بھی جاری ہے، جس میں سینکڑوں افراد کو محفوظ مقامات پر منتقل کردیا گیا۔
موسلادھار بارشوں اور سیلابی ریلوں سے کئی راستے منقطع ہوگئے ہیں اور وہاں کئی مکانات بھی پانی میں بہہ گئے، متاثرہ علاقوں میں ہنگامی صورت حال نافذ کردی گئی۔
خیال رہے کہ گذشتہ ماہ افغان کے صوبے قندھار میں شدید بارشوں سے آنے والے سیلاب شدید تباہی ہوئی تھی، جس میں 20 افراد ہلاک اور متعدد لاپتہ ہوگئے تھے۔
افغانستان میں رواں برس کے آغاز سے اب تک سیلاب کے باعث 50 سے زائد افراد ہلاک ہوچکے ہیں، جبکہ کئی علاقوں کے زمینی راستے برفباری کی وجہ سے بند ہیں۔
