کنڈا اخبار کے ایڈیٹرکے خلاف مقدمہ درج

جےڈی ایس رہنما پردیپ گوڑا کی شکایت پر کنڈا اخبار وشواونی اور اسکے ایڈیٹر وشویشور بھٹ کے خلاف ایف آئی آر درج کیا گیا ہے۔

پردیپ گوڑا نے الزام لگایا ہیکہ مذکورہ اخبار نے 25 مئی کو کرناٹک کے وزیراعلی کمارا سوامی کے فرزند نکھل سے متعلق جھوٹی خبر شائع کی تھی۔
شکایت میں کہا گیا کہ اخبار میں نکھل کے خلاف توہین آمیزسرخی لگائی گئی،اور کہا گیا کہ حلقہ مانڈیا سے شکست کے بعد نکھل نے اپنے دادا سابق وزیراعظم دیوے گوڑا کے ساتھ بحث و تکرار کی، اور گالی گلوج کیا اور اپنی شکست کا ذمہ دار انھیں قرار دیا۔
اس سلسلہ میں کہا گیا کہ اخبار نے تصوراتی بنیاد پر جھوٹی خبر شائع کی گئی،اوراس طرح کی خبر شائع کرنے کا مقصد نکھل کے سیاسی مستقبل کو خراب کرنے کی کوشش تھی۔
مذکورہ اخبار پر ہتک عزت،دھمکی دینا،اشتعال دلانا اور دھوکہ دہی کے مقدمات درج کیے گئے ہیں۔