نوئیڈا میں غیر قانونی شراب فروخت / نقل و حمل کی روک تھام کی مہم کے تحت ایکسائز انسپکٹر پرمود سونکر سرکل 5 اور راہول سنگھ سرکل 7 کی ٹیم نے گاؤں دیوالا پولیس اسٹیشن سورج پور میں چھاپہ ماری کی.
اس دوران ایکسائز ٹیم نے غیرقانونی طور پر تیار شراب اور اس میں استعمال شدہ دیگر اشیاء برآمد کیے.
ان کے مطابق چھاپوں کے دوران فرضی کیو آر کوڈز کی 12 کارٹون مس انڈیا شراب سمیت مختلف برانڈ کی نقلی شراب برآمد کی گئی ۔
چھاپوں کے دوران ایک ملزم شالو ولد راجیش کو موقع سے گرفتار کیا گیا اور 2 دیگر ملزم وجے ولد راجیش اور راجیش امپورہ ، کان پور دیہات فرار ہونے میں کامیاب رہے۔
گرفتار اور مفرور ملزم کے خلاف سورج پور تھانے میں غیر قانونی شراب اور شراب بنانے میں استعمال ہونے والے غیر قانونی اشیاء کے خلاف ایکسائز ایکٹ کی دفعہ 60 ، 63 اور سیکشن 420 ، 467 ، 468 ، 471 اور 272 کے تحت مقدمہ درج کیا گیا ہے۔ گرفتار شخص کو جیل بھیج دیا گیا جبکہ مفرور افراد کی تلاش جاری ہے.
