ای راجندر کے خلاف کچھ روز قبل زمین پر قبضے کی ایک شکایت موصول ہوئی تھی جس کے بعد وزیراعلیٰ کے چندر شیکھر راؤ نے انہیں ریاستی کابینہ سے برطرف کردیا تھا۔
سابق وزیر ای راجندر نے آج صحافیوں سے بات کرتے ہوئے، وہ پارٹی سے گذشتہ 19 سال سے وابستہ تھے جبکہ آج انہوں نے پارٹی کی رکنیت سے استعفیٰ دینے کا فیصلہ کیا ہے۔
انہوں نے وزیراعلیٰ کو مخاطب ہوتے ہوئے کہا کہ ’مجھے ہٹانے ضرورت نہیں بلکہ میں خود اسمبلی کی رکنیت سے بہت جلد استعفیٰ دے دوں گا۔ انہوں نے کہا کہ حامیوں سے بات چیت کے بعد بہت جلد مستقبل کے منصوبوں کا اعلان کیا جائے گا۔
ای راجندر 4 دنوں تک دہلی میں مبینہ طور پر بی جے پی قائدین سےملاقات کے بعد گذشتہ روز حیدرآباد پہنچے۔ ان کے حامیوں نے شمس آباد ایئرپورٹ پر ان کا شاندار استقبال کیا تھا۔ ان کے ساتھ سابق رکن اسمبلی اے رویندر ریڈی بھی تھے۔
اطلاعات کے مطابق سابق وزیر بہت جلد بی جے پی میں شمولیت اختیار کریں گے۔ اپنے دورہ دہلی کے موقع پر ای راجندر نے بی جے پی کے قومی رہنماؤں سے ملاقات کیں۔ ذرائع کے مطابق ای راجندر 8 جون کو ٹی آر ایس کے دیگر رہنماؤں کے ساتھ بی جے پی میں شمولیت اختیار کریں گے۔
