الیکشن کمیشن نے ویڈیو کانفرنس کے ذریعے مغربی بنگال کے انتخابی افسران کے ساتھ میٹنگ کرکے حالات کا جائزہ لیا۔
گزشتہ روز کولکاتہ میں امت شاہ کے روڈ شو کے دوران تشدد بھڑک اٹھا تھا۔ ترنمول کانگریس کی قیادت والی طلبہ تنظیم اور بی جے پی کے کارکنان کے درمیان پتھر بازی، آگ زنی، یہاں تک کہ ودیا ساگر کالج میں مشہور سماجی مصلح ایشور چندر ودیا ساگر کے مجسمے کو بھی توڑ دیا گیا۔ بھیڑ کو منتشر کرنے کے لیے پولیس کو لاٹھی چارج کرنی پڑی۔
اس حادثے میں تاحال 35 افراد کو گرفتار کیا جا چکا ہے۔ بی جے پی نے الیکشن کمیشن سے ممتابنرجی کی انتخابی ریلی پر پابندی کا مطالبہ کیا ہے۔
خیال رہے کہ لوک سبھا انتخابات شروع ہونے کے بعد سے ہی دونوں جماعتوں کے درمیان تشدد کے واقعات رونما ہورہے ہیں۔19مئی کو ریاست کے نو پارلیمانی حلقوں میں پولنگ ہونی ہے۔
