بھوپال پارلیمانی سیٹ سے کانگریس کےامیدوار کے طور پر شکست کے ایک دن بعد یہاں صحافیوں سے بات چیت کے دوران سنگھ نے کہا کہ وہ جمہوریت میں یقین رکھتے ہیں اور اس ناطے لوک سبھا انتخابات میں فتح حاصل کرنے والے وزیراعظم نریندر مودی کو مبارکباد دیتے ہیں۔
وہیں انہوں نے بی جے پی کی اس کامیابی پر پر کہا کہ' 2014 میں میں پارٹی کا نعرہ 280 سیٹیں پار کرنے کا تھا اور اب تین سو پار کا نعرہ لگایا گیا یا میں یہ جاننا چاہتا ہوں ہو آخر بی جے پی کے پاس اس ایسی کونسی جادو کی چھڑی ہے جس سے یہ کام کیے جا رہے ہیں'۔
وہ بی جے پی کے دیگر جیتنے والے امیدواروں کو بھی مبارکباد دیتے ہیں۔ وہ بھوپال سے جیتنے والی بی جے پی کی امیدوار پرگیا ٹھاکر کو کل ہی مبارکباد پیش کرچکے ہیں۔
دگ وجئے سنگھ نے کہا کہ وہ عوامی حمایت کو تسلیم کرتے ہیں، لیکن ان کی ذاتی تشویش یہ ہے کہ ملک میں مہاتما گاندھی کے قاتل کی آئیڈیالوجی جیت گئی اور امن کے پیامبر مہاتما گاندھی کے نظریے کو شکست ہوگئی۔ یہی ان کی سب سے بڑی ذاتی تشویش ہے۔
