اناؤ واقعہ کی مخالفت میں اترپردیش اسمبلی کے سامنے دھرنے پر بیٹھے سماج وادی پارٹی کے سربراہ اکھیلیش یادو نے آج ریاستی حکومت کو برخاست کرنے کا مطالبہ کرتے ہوئے کہا کہ ریاست میں بیٹیاں محفوظ نہیں ہیں۔
ایس پی سربراہ کے ساتھ پارٹی کےریاستی صدر نریش اتم اور سابق وزیر راجیند چودھری بھی موجودتھے۔ نے کہا کہ ریاست میں نہ تو بیٹیاں محفوظ ہیں اور نہ ہی ان کی سیکورٹی کے تئیں حکومت سنجیدہ ہے۔ وزیر اعلی یوگی آدتیہ ناتھ کی حکومت بیٹیوں کی نہیں سنتی ہے۔ حکومت بس بیٹوں کے بہتر مستقبل کے نارے لگاتی ہے۔
سابق وزیر اعلی نے کہا کہ یہ حکومت جب تک نہیں جائے گی بیٹیوں کو انصاف نہیں مل سکتا۔ ریاست کی بیٹیوں پر ظلم بڑھ رہا ہے جس سے پورے ملک میں غم وغصہ ہے۔
اترپردیش کے ضلع اناؤ میں عصمت دری کی متأثرہ کو ملزمین کے ذریعہ زندہ جلانے کی کوشش اور علاج کے دوران متأثرہ کے دم توڑنے کے بعد اپوزیشن ریاستی حکومت پوری طرح سے حملہ آور ہے۔
وہیں دوسری جانب دو دن کے اترپردیش کے دورے پر آئیں کانگریس جنرل سکریٹری پرینکا گاندھی واڈرا اناؤ روانہ ہوگئیں پرینکا گاندھی متأثرہ کے اہل خانہ سے ملاقات کریں گی۔ دہلی سے متأثرہ کی لاش شام آخری رسومات کی ادائیگی کے لیے اناؤ لائی جائےگی۔
کانگریس جنرل سکریٹری نے کہا کہ اب وقت آگیا ہے کہ خواتین بیدار ہوں اور اپنے حقوق کے لئے آگے آئیں۔
