رام مندر کی سنگ بنیاد کے بعد بنگال کی مشہور تنظیم 'بنگال امام ایسوسی ایشن' نے بابری مسجد کے تعلق سے ایک خط جاری کیا تھا۔ جس میں کہا گیا تھا کہ 'بابری مسجد کی لڑائی جاری رہے گی۔'
اس پر سماجی کارکن دانش قریشی نے اپنے ردعمل کا اظہار کرتے ہوئے کہا کہ 'ہم بنگال امام ایسوسی ایشن کی حمایت کرتے ہیں۔ ہم ان کے فیصلے کا استقبال کرتے ہیں۔'
انہوں نے کہا کہ 'اب تک تمام مسلم تنظیمیں رام مندر اور بابری مسجد کے معاملے پر اپنا دامن بچانے کا کام کر رہی تھیں۔ اس معاملے کے خلاف آواز بلند کرنا ان کا فرض ہے اور شہری ہونے کے ناطے بھی ان کی ذمہ داری ہے لیکن آخر کس وجہ سے تمام دینی تنظیمیں خاموش ہیں۔'
یہ بھی پڑھیں: گجرات: رام مندر کا سنگ بنیاد رکھنے پر دانشوروں کا ردعمل
انہوں نے کہا کہ 'بابری مسجد کے تعلق سے سپریم کورٹ نے جو فیصلہ سنایا ہے اس پر غور کرنے کی ضرورت ہے اور ہر خاص و عام کو بابری مسجد کے لیے بنگال امام ایسوسی ایشن کی طرح آواز اٹھانے کی ضرورت ہے۔'
