جموں و کشمیر پولیس نے ضلع راجوری میں اس وقت ایک معاملہ درج کیا جب ایک ڈاکٹر اور اس کے مریض کی قابل اعتراض ویڈیو سوشل میڈیا پر وائرل کردی گئی۔
اس سلسلہ میں ایک خصوصی تحقیقاتی ٹیم بھی تشکیل دے دی گئی ہے جو معاملہ کی تحقیق کر رہی ہے ۔
واضح رہے اس ضمن میں ایک لڑکی نے پولیس کے پاس شکایت درج کروائی کہ سوشل میڈیا پر ایک ویڈیو وائرل ہو رہی ہے جو ایک عرصہ قبل بنائی گئی ہے جب وہ چیک اپ کیلئے ڈاکٹر کے پاس گئی تھی ۔ اس نے مزید کہا کہ ویڈیو ایڈیٹ کی گئی اور ویڈیو میں دکھایا گیا مواد بھی ایڈیٹ کیا گیا ہے۔ جس پر راجوری پولیس تھانہ میں جموں و کشمیر پولیس نے معاملہ درج کر لیا ہے۔
وہیں ایس ایس پی راجوری یوگل منہاس نے کہا کہ معاملہ درج کرنے کے فوراً بعد ایک خصوصی تحقیقاتی ٹیم تشکیل دی گئی ہے جو اس معاملہ کی تحقیق کر رہی ہے۔ انہوں نے مزید کہا کہ تحقیقات کے دوران یہ بات واضح ہوئی ہے کہ یہ ویڈیو راجوری ضلع میں ڈاکٹر کے کلنک کے اندر بنائی گئی ہے اور یہ بھی معلوم ہوا ہے کہ ضلع ہسپتال راجوری میں تعینات حکام جن میں چار ڈاکٹر شامل ہیں۔
اس کے علاوہ اس ویڈیو کو درہال ،منجاکوٹ اور راجوری کے وٹس ایپ گروپ پر بھی کچھ لوگوں نے شیئر کیا۔واضح رہے اس ویڈیو کو بنانے اور پھیلانے والے کے خلاف کڑی کاروائی عمل میں لائی جائے گی۔
