ریاستی حج کمیٹی کے ایک ترجمان نے یہ اطلاع دیتے ہوئے بتایا کہ سعودی عرب حکومت کی وزارت حج نے مطلع کر کے حاجیوں کے لیے ٹیکہ کی دونوں خوارک لازمی کر دی ہے۔ ویکسینیشن سرٹیفکٹ کے بغیر حاجیوں کو سعودی عرب میں داخل ہونے کی اجازت نہیں ہوگی۔
ادھر، حج کمیٹی آف انڈیا، ممبئی نے یہ واضح کیا ہے کہ ابھی تک سعودی عرب حکومت کی جانب سے حاجیوں کو حج پر بھیجنے کے بارے کوئی اطلاع موصول نہیں ہوئی ہے حالانکہ حاجیوں کو بلانے اور نہ بلانے کا فیصلہ سعودی حکومت کا ہی ہوگا۔
حج کمیٹی آف انڈیا، ممبئی اور ہریانہ حج کمیٹی سعودی عرب کے فیصلے کے مطابق ہی کارروائی کریں گی۔ البتہ حج کے لیے درخواست کرنے والوں سے گذارش ہے کہ وہ حج پر جانے سے قبل کورونا ٹیکہ کاری کے دونوں ڈوز لے کر اپنی سطح پر تیار رہیں۔
