اترپردیش میں کورونا مریضوں کی تعداد میں زبردست اضافہ ہو رہا ہے، جسے دیکھتے ہوئے وزیر اعلی یوگی آدتیہ ناتھ نے صوبے میں لاک ڈاؤن بڑھانے کا اعلان کیا ہے۔
معلوم رہے کہ پہلے ہفتے میں دو دن سنیچر اور اتوار کو لاک ڈاؤن نافذ تھا، اب اسے بڑھا کر جمعہ کی رات سے منگل کو صبح 7 بجے تک کر دیا گیا ہے۔
اب ریاست میں سنیچر، اتوار اور پیر کو سبھی بازار اور دکان پوری طرح بند رہیں گے لیکن ضرورت کی چیزوں کے لیے آنے جانے پر پہلے کی طرح چھوٹ رہے گی تاکہ عوام کو کسی قسم کی کوئی پریشانی نہ ہو۔
وزیر اعلی یوگی آدتیہ ناتھ نے پولیس اور ضلع انتظامیہ کو سخت ہدایت دی ہے کہ بازار میں سماجی دوری و ماسک کو یقینی بنایا جائے۔
