یادگیر میں کورونا کی دوسری لہر کے دوران گذشتہ دو ماہ سے انتظامیہ کی جانب سے وبا پر قابو پانے کےلیے مختلف اقدامات کئے جارہے ہیں۔ اس کے علاوہ محکمہ صحت، پولیس اور بلدیہ کی جانب سے عوام کو وائرس سے محفوظ رکھنے کےلیے کوششیں کی جارہی ہے اور احتیاطی تدابیر اختیار کرنے کےلیے لوگوں میں شعور بیدار کیا جارہا ہے۔
ضلع میں مختلف محکموں ی جانب سے کئے گئے اقدامات کے بعد اب کورونا کیسز میں کمی واقع ہو رہی ہے۔حکام نے بتایا کہ لاک ڈاؤن کے نفاذ سے کوویڈ کیسوں میں کمی ہوئی ہے۔ شہر میں وبا کو پھیلنے سے روکنے کےلیے سخت لاک ڈاون نافذ کیا گیا۔
یادگیر میں اب تک 27 ہزار 245 افراد کوروناسے متاثر ہوئے ہیں جن میں 26 ہزار 579 افراد صحتیاب ہوچکے ہیں۔ ضلع میں فی الوقت 462 ایکٹیو کیس ہیں اس وبا سے اب تک 204 اموات ہوئی ہیں۔
