ضمنی انتخاب میں کانگریس نے وسنت کمار کے بیٹے وجئے وسنت کو میدان میں اتارا تھا جنہوں نے بھارتیہ جنتا پارٹی کے امیدوار اور سابق مرکزی وزیر پون رادھا کرشنن کو ایک لاکھ سے زیادہ ووٹوں کے فرق سے شکست دی ہے۔
الیکشن کمیشن سے موصولہ اعداد و شمار کے مطابق ڈی ایم کے کے اتحادی کی حیثیت سے انتخاب لڑنے والے وجے وسنت کو کل 576037 ووٹ ملے جبکہ رادھا کرشنن نے 438087 ووٹ حاصل کیے۔
وسنت نے 137950 ووٹوں کے فرق سے کامیابی حاصل کی اور وہ پہلی بار پارلیمنٹ پہنچنے میں کامیاب رہے۔
وسنت کو کل 52.5 فیصد ووٹ ملے ہیں جبکہ ان کے حریف بی جے پی امیدوار کو 39.92 فیصد ووٹ حاصل ہوئے۔
اپنی پہلی فتح کے بعد نومنتخب رکن پارلیمان وسنت نے ٹویٹ کرکے اپنی جیت کنیا کماری کے عوام اور ان کے والد کے لئے وقف کی۔
