کرناٹک میں کورونا وائرس کے معاملات کو دیکھتے ہوئے ریاستی حکومت نے مزید ایک ہفتہ لاک ڈاؤن میں توسیع کی ہے۔ جو 14 جون تک نافذ رہے گا۔
ادھر ضلع یادگیر میں ضلع انتظامیہ نے پانچ سے نو جون تک مکمل لاک ڈاؤن کا اعلان کیا ہے.ان پانچ دنوں کے مکمل لاک ڈاؤن میں صرف پٹرول پمپس، ہسپتال، میڈیکل اسٹور اور دودھ کی دکانیں کھلی رکھنے کی ہدایت دی گئی ہے۔
کورونا وائرس کے متاثرین کی بات کی جائے تو ضلع میں کل درج ہوئے 93 نئے معاملات کے ساتھ جملہ ضلع میں 27 ہزار گیارہ لوگ کورونا سے متاثر ہوئے ہیں۔ جن میں 25 ہزار پانچ سو چھیالیس صحتیاب ہو کر ڈسچارج ہوئے ہیں۔
محکمہ صحت کی اطلاع کے مطابق 130 لوگ جمعہ کو ڈسچارج ہوئے ہیں۔ یادگیر ضلع میں دو سو دو لوگوں کی موت کورونا کی وجہ سے ہوئی ہے۔ ضلع میں اب بھی 1230 ایکٹیو کیس ہیں۔
