'تشدد کسی مسئلے کا حل نہیں'

مرکزی مملکتی وزیر داخلہ جی کشن ریڈی نے کشمیری نوجوانوں کو امن کے قیام کے لیے آگے آنے کا مشورہ دیا۔

انہوں نے کہا کہ ہم ایسے ہندوستان کی تعمیر کے خواہشمند ہیں جس کے ذریعہ وادی کشمیر میں پولیس پر پتھراو اور پاکستان زندہ باد کانعرہ سننے میں نہ آئے۔
انہوں نے کشمیر کے نوجوانوں کو مشورہ دیا کہ وہ تشدد اور بندوق سے دستبردار ہوتے ہوئے امن کے قیام کے لئے نریندر مودی حکومت کا تعاون کریں۔ریڈی جو اپنے حلقہ سکندرآباد کے کاچی گوڑہ بلدی ڈیویژن کے راج محلہ وٹھل واڑی میں عوامی مسائل سے واقفیت کے لئے پدیاترا کررہے تھے نے میڈیا سے بات کرتے ہوئے کہا کہ ان کی حکومت مہاتما گاندھی اور امبیڈکر کی سوچ کے مطابق کام کررہی ہے۔انہوں نے نشاندہی کی کہ تشدد‘ کسی بھی مسئلہ کا حل نہیں۔کشن ریڈی نے کہا کہ وہ سکندرآباد پارلیمانی حلقہ کے عوام کے مشکور ہیں جن کے ووٹوں کی وجہ سے آج وہ مرکزی کابینہ میں شامل ہوئے ہیں۔انہوں نے حلقہ کے عوام کو یقین دلایا کہ وہ ہر ہفتہ اور اتوار کو مختلف علاقوں میں پدیاترا کرتے ہوئے مقامی مسائل سے واقفیت حاصل کریں گے۔