دنیا بھر میں کورونا نے قیامت کا منظر پیدا کردیا ہے۔ امریکہ ایسا ملک ہے جو کورونا متاثرین کے معاملہ میں پہلے نمبر پر بنا ہوا ہے۔ برازیل بھی جنوبی امریکہ میں واقع ہے جہاں روزانہ بیس ہزار سے زائد کورونا کیسز آرہے ہیں۔ گزشتہ 24 گھنٹوں کے دوران 24 ہزار 619 نئے کیسز سامنے آنے سے ملک بھر میں کورونا متاثرین کی تعداد ایک کروڑ 47 لاکھ 79 ہزار 529ہوگئی ہے۔ یاد رہے کہ برازیل دنیا میں ہلاکتوں کی تعداد کے معاملے میں دوسرے نمبر پر ہے۔
جنوبی امریکی ملک برازیل وبا کی ایک نئی لہر کا سامنا کررہا ہے، جس کے نتیجے میں کیسز اور اموات میں اضافہ ہوگیا ہے، جس کے سبب طبی نظام درہم برہم ہوکر رہ گیا ہے۔ واضح رہے کہ ملک میں کووڈ- 19 کا پہلا کیس 26 فروری 2020 کو سامنے آیا تھا۔
