بی جے پی کے کیمپ دفترپر بم بازی

شمالی 24 پرگنہ کے بیرکپور پارلیمانی حلقے کے دتہ پوکھر علاقے میں نامعلوم شرپسندوں کے حملے میں بی جے پی کےکیمپ دفتر میں تباہ ہوگیا۔

مغر بی بنگال کے بیرکپور پارلیمانی حلقے کے آم ڈانگہ کے دتہ پوکھر کے117 نمبر پولنگ بوتھ کے قریب نامعلوم شرپسندوں نے بی جے پی کے کیمپ آفس پرحملہ کردیااور وہاں موجود بی جے پی کے کارکنان کومار پیٹ کر بھگادیا۔

شرپسندوں کی بم بازی میں بی جے پی کیمپ دفتر پوری طرح سے تباہ ہو گیا۔پولیس کاکہناہے کہ بی جے پی کے کیمپ دفتر میں حملہ ہواہے۔ پولیس تفتیش کر رہی ہے ۔اب تک کسی کی گرفتاری عمل میں نہیں آ ئی ہے۔بی جے پی کے حامیوں کاکہناہے کہ ترنمول کانگریس کے کارکنان نے بی جے پی کے کیمپ دفتر پر بم بازی کی ہے۔ پولیس کے سامنے بی جے پی کے حامیوں کو زدوکوب کیاگیا ہے۔ترنمول کانگریس کے حامیوں نے بی جے پی کے الزام کو بے بنیاد قرادیاہے۔