راجستھان بی جے پی صدر کا انتقال، پارلیمانی پارٹی کی میٹنگ موخر

گزشتہ روز دارالحکومت دہلی میں راجستھان یونٹ کے بی جے پی صدر مدن لال سینی کا انتقال ہو گیا تھا، ان کی آخری رسومات آج ادا کی جائے گی۔

مدن لال سینی کے انتقال کی وجہ سے آج بی جے پی پارلیمانی کمیٹی کی میٹنگ موخر کر دی گئی ہے۔

مدنلال سینی کی نعش کو آج جے پور پہنچا دیا گیا ہے، جہاں بی جے پی کے ریاستی صدر دفتر میں ان کی آخری زیارت کروائی جا رہی ہے۔

یہ سلسلہ بی جے پی کے ریاستی دفتر میں 10 بجے تک چلے گا، اس کے بعد 12 بجے سے دو بجے تک آبائی مکان پر ان کے نعش کو رکھا جائے گا، پھر تین بجے آخری رسومات ادا کی جائے گی۔