بھیونڈی کے ساتھ نہ انصافی ہوئی: سہاس بونڈے

ممبئی سے متصل بھیونڈی پارلیمانی نشست سے بطور آزاد امیدوار انتخابات میں حصہ لے رہے سہاس بونڈے نے کہا کہ مسلم اکثریتی علاقہ ہونے کی وجہ بھیونڈی کے ساتھ نہ انصافی کی گئی۔

مذکورہ آزاد امیدوار کے منظرعام پر آنے کے بعد سے وہ خبروں میں ہیں کیونکہ ایم این ایس سربراہ راج ٹھاکرے کے وہ ہم شکل ہیں۔

انھوں نے کہا کہ بھیونڈی کی خستہ حالی کی وجہ انتخابات میں حصہ لے رہے ہیں، بھیونڈی کی تعمیر و ترقی کے لئے کوئی کام نہیں کیا گیا۔سہاس بونڈے نے کہا مہاراشٹر کی امیر ترین میونسپل کارپوریشن آج بھکاری میونسپل کارپوریشن ہوگئی ہے۔ شہر کے راستے بد سے بدتر ہوگئے ہیں۔ کسی نے اس پر توجہ نہیں دی۔

انہوں نے کہاکہ بھیونڈی پاورلوم نگری ہے۔ ہندو اور مسلمان اس کے دو پہئے ہیں۔
بھیونڈی کو اسمارٹ سٹی کی فہرست میں شامل کیا گیا تھا مگر بعد میں اس کا نام ہٹا دیا گیا کیونکہ یہ ایک مسلم اکثریتی علاقہ ہے۔
انھوں نے کہا کہ مسلم دشمنی کے چکر میں اس شہر میں رہنے والے ہندو بھی پریشان ہورہے ہیں۔