مغربی بنگال کے دارالحکومت کولکاتا میں پولیس نے ایک سماجی کارکن کو بنگلہ دیش کی ویڈو کو کولکاتا کی بتا کر سوشل میڈیا پر شئیر کرنے کا قصوروار پایا.
کولکاتا پولیس کی انفورمیشن ٹیکنالوجی (آئی ٹی) نے کارروائی کرتے ہوئے کارکن مدھو پرنیما کیشوار کے خلاف شکایت درج کر لی.
کولکاتا پولیس کا کہنا ہے کہ سماجی کارکن مدھو ہرنیما کیشوار کے خلاف آئی ٹی کے تحت مقدمہ درج کیا گیا ہے.
انہوں نے کہا کہ ان پر بنگلہ دیش کی ایک ویڈو کو کولکاتا میں اسلامک ریلی بتاکر سوشل میڈیا پر شئیر کی تھی.
کولکاتا پولیس کے مطابق ویڈیو میں بنگلہ دیش کے گانا سنائی دے رہا ہے. اس کے باوجود سماجی کارکن نے ویڈو کو کولکاتا میں اسلامک ریلی بتا کر کیپشن کے ساتھ شئیر کیا.
انہوں نے کہا کہ یہ ایک سنگین جرم ہے. ان کے خلاف شکایت درج کرکے مستقبل میں اس طرح کی حرکت کرنے والوں کو انتباہ کیا گیا ہے.
کولکاتا پولیس کے مطابق پورے معاملے کی تفتیش کی جا رہی ہے اور یہ پتہ لگانے کی کوشش کی جا رہی ہے کہ اس ویڈیو کو کتنے لوگوں تک پہنچایا گیا.
دوسری طرف سماجی کانکن نے اپنے ٹویٹر اکاونٹ پر اپنی غلطی کا اعتراف کرتے ہوئے معافی مانگ لی.
ان کا کہنا ہے کہ' میرے ایک دوست نے اس ویڈیو کو بھیجا تھا . میں نے اس ویڈیو کو بغیر سوچے سمجھے اسے دوسرے لوگوں تک پہنچایا اس کے لئے معافی مانگتی ہوں.'
