مغربی بنگال کے شمالی دیناج پور کے اسلام پور کے بائی پاس کے قریب گزشتہ روز عیدملادالنبی کے جلوس سے واپس گھر جانے کے دوران متعدد افراد بجلی کی زد میں آ گئے تھے.
بجلی کی زد میں آنے کے سبب موقع پر ہی دو نابالغ کی موت ہو گئی تھی. دیگر افراد کی موت ہسپتال میں ہوئی تھی.
قاسم نام کے جوان کو اتر بنگال میڈیکل کالج اینڈ ہسپتال میں داخل کرایا گیا تھا جہاں آج ان کی موت ہوگئی.
اس واقعے میں 13 لوگ شدید طور پر زخمی ہو گئے تھےجن میں تین افراد کی حالت اب بھی سنگین بتائی جا رہی ہے.
دوسری طرف وزیر اعلی ممتا بنرجی نے اس سانحہ میں ہلاک ہونے والوں کے اہل خانہ کو دو دو لاکھ روپے اور زخمیوں کو 50-50 ہزار روپے دینے کا اعلان کیا.
شمالی دیناج پور کے ضلع مجسٹریٹ اروند کمار اور رکن اسمبلی عبدالکریم چودھری نے ہلاک ہونے والوں کے اہل خانہ کو دو دو لاکھ روپے کے چیک دئیے.
دوسری طرف اسلام پورنیونسپلٹی کے ایڈمنسٹریٹو زخمیوں کو 50-50 ہزار روپے کے چیک دئیے.
واضح رہے کہ گزشتہ روز اسلام پور بائی پاس کے قریب بجلی کی زد میں متعدد افراد زخمی ہوگئے تھے جن میں چار لوگوں کی موت ہوگئی.
